Өг-бүлениң шыгжамыры: Эйлиг-Хемниң ийиги классчыларындан өзүмнер

Улуг-Хем кожуундан «Өг-бүлениң шыгжамыры» төлевилелдиң киржикчилери – Эйлиг-Хем школазының ийиги клазының өөреникчилери башкызы Чаяна Шаравина-биле помидор, перец, баклажан өзүмнерин хөйү-биле тараанын сумунуң херээженнер чөвүлелиниң даргазы Рада Быштак-оол дыңнаткан. Ол ышкаш Чаяна Геннадьевна уругларны өрээл чечектеринге ынак болурунга өөредип, оларны канчаар ажаарын айтып берип турар. Эрес-кежээ башкының өөреникчилери-биле тараан өзүмнери дыка эки үнүп турар. Ногаа өзүмнерин тарып, хоорайдан садып ап шыдавас өг-бүлелер школаның ийиги классчыларындан чогумчалыг өртек-биле садып алгаш, огородунга олуртуп ап болур.