Айыыл карак чивеш аразында бооп болур

Бии-Хем кожууннуң социал албаны хем-суг эриинде уругларның айыыл чок чоруун хандырары-биле доктаамал хыналда үнүүшкүннерни чорудуп турар. Назы четпээн уругларга профилактиктиг тайылбырны чорудуп, ада-иелерге чаштарның амы-тыны, кадыкшылы дээш харыысалгазын сагындырар ажыл уламчылап турар. Назы четпээннерге айыыл чок чоруктуң дүрүмнерин сагыырын өөредип, оларга хем-суг чанынче бичии дуңмаларын эдертип алгаш ойнаарын хоруур. Айыыл карак чивеш аразында бооп болур.