Аваларга ынакшылын, четтиргенин илередир онзагай хүн
Мээң авамның адын Белек Чыргаловна Ондар дээр. Ол Бай-Хаак кудумчузунда уруглар садында ажылдап турар. Мээң авам эң эки: бисти аштатпайн, түретпейн азырап чоруур.
Бис каш-даа харлыг апаар болзувусса, аваыс эң-не эргим кижи болуп артар. Ооң чагыг-сүмези, деткимчези, сагыш човаашкыны бүгү чуртталгавыста херек. Ававыстың сагыш човаашкыны хүн бүрүде бистерге чаагай аъш-чемни кылып берип, чылыг идик-хепти кедирип турарындан илереттинип турар.
Иелер хүнүн уткуштур ынак авамга байыр чедирип тур мен. Бо байырлалда аваларга ынакшылын, четтиргенин илередир онзагай хүн деп бодаар мен. Ынак авамга кезээде аас-кежикти күзеп, черге чедир мөгейдим.
Буян-Белек Ондар,
Кызылдың 9 дугаар гимназиязы.
6 «б» класстың өөреникчизи.
«Элээди журналист» бөлгүмү
