Аваларны камнаңар!
Мээң авамның адын Долаана Улуг-ооловна Аракчаа дээр. Авамның чылыг сөстери мени эки өөредилгеже чүткүлдү берип чоруур. Ол мени эки кижи кылдыр өзүп келзин дээш дыка кызар. Бисти кезээде деткиир, улугну улуг деп, бичиини бичии деп хундулеп чоруур кылдыр өөредип, сургап чоруур.
Бо делегейде эң-не эргим кижи - авам. Оонөоске чымчак сеткилдиг кижи тыппас мен. Мээң бодалым-биле ава кижи дээрге бөмбүрзектиң судалы-дыр. Кижи бүрүзү авазын үнелеп, хүндүлеп чоруур болза, бөмбүрзектиң чараш өңнери кезээ мөңгеде чырып чоруур.
Баазан-Доржу АРАКЧАА, 7 «а» класстың өөреникчизи.
С.Чакар аттыг Эрзин ортумак школазы
