Барыын-Хемчик кожуунда «Таёжный» лагеринге Тыва Республиканың хүнүн байырлаан

Август 15-те «Таёжный» дыштанылга лагеринге Тыва Республиканың хүнүн байырлап эрттирген. 🇷🇺Эртенги шакта республиканың ыдык ырызының адаа-биле байырлыг чыскаал эрткен. Уругларның сагыш-сеткили биче төрээн чурту дээш чоргаарал-биле долган. 🤼‍♂Оон улаштыр хүреш маргылдаазы эгелээн. Спортчу маргылдаага оолдар бедик хей-аъдын көргүскен. Хүреш маргылдаазынга бирги черни «Сулде» отрядындан Анчы Сат, ийиги черни база-ла «Сулде» отрядының төлээзи Дмитрий Дамчат, үшкү черни «Эзирлер» биле «Сулдеден» Белек Саая, Айслан Кужугет үлешкеннер. 👩‍🎓Хүндүс уруглар төрээн чериниң дугайында билиин хынап, «Ынак Тывам дугайында» викторинага киришкеннер. 🎭Кежээки шакта тыва тоолдарның шиижиткен көргүзүүнге мөөрейни организастаан. Киржикчилер, шупту, боттарының салым-чаяанын көргүскен. Лагерьниң башкылары уругларга Тыва Республиканың хүнүн байырлаан хемчеглерге идепкейлиг киржип, боттарының үлүг-хуузун кииргени дээш четтиргенин илереткеннер. Ол ышкаш эп-найырал, эвилең-ээлдек чорук, хүндүткел төрээн черивистиң чурттакчы чону-биле кезээде орукташ чоруурун күзээннер. #минобр_тыва