Башкыларга
Байлак быжыг билиг-биле чепсегленген
Башкы кижи кезээде-ле хайым иште
Артист, эмчи, психолог, адвокат бооп,
Арыг-сеткил долу сиңген башкыларга
Авыралдыг болурун-на күзээр-дир мен.
Ада-ие башкы-биле демниг боорга,
Амыранчыг, бедик түңнел албан келир.
Ажы-төлге башкылары чоок болурга,
Алыс олар чогумчалыг билиг чедип,
Амыдырал улуг оруун уламчылаар.
Эртем-билиг бедиин алган салгалдарга,
Энерелдиг эргим ынак башкыларга,
Тывавыстың сайзыралын бедик тудуп,
Тугу биле сүлде демдэээн киискидип,
Тиилелгелиг түңнелдерни күзээр-дир мен.
Башкы иштиң буян болган түңнелдери
Балаттынмас истер кылдыр артып калыр.
Башкыларга, Силерлерге, сеткилимден
Байырланчыг сеткил сөзүн йөрээп тура,
База катап чедиишкиннер күзээр-дир мен.
В.Ө. Дөмүр-оол.
РФ-тиң Алдарлыг башкызы, ТР-ниң Улустуң башкызы.
20.09.2025 чыл.
#челлендж #башкыныңхүнүнге
Чурукту социал четкилерден алган
