Часкы хүн: өзүмнерни тараан

Тываның уруглар садтарында соңга караанга өзүмнерни тарып, уругларны экология болгаш күш-ажылга кижизидер ажылды уламчылап турарын Тываның Өөредилге яамызы дыңнаткан. Ук акция чыл санында эртип, чаштарның кижизидилгезинде кол черни ээлеп турарын сагындыраал. Шагаан-Арыг хоорайның «Бодаган» уруглар садында баштайгы өзүмнер үнүп келген. Ында ногаан согуна, томаттар болгаш янзы-бүрү чечектерни тараан. Кижизидикчи башкылар үнүштерниң өзүлдезинге суг болгаш агаарның кайы хире чугулазын чаштарга тайылбырлап берип турар. Өзүмнерни уруглар садының девискээринде чалдарже үндүр тарыыр. Ногаа аймааның күскү дүжүдү уругларның аъш-чемин белеткээринге ажыглаттынар.