Хүн уткулгазы
(Соңгу чүк улузунуң байырлалы)
Кыдыкы Соңгу чүк бистиң чуртувустуң барыын талазындан чөөн чүкче чаттылып чоруткан. Ында колдуунда тундра бар. Ол дээрге соок, арга-арыы шаараш, делгем шөлдер-даа чок черлер-дир, хар 9 ай дургузунда эривес.
Ында чукчалар, сахалар, эскимостар, саамнар дээш өске-даа биче-буурай улустар чурттап турар. Аңаа каш-каш айлар иштинде хүн көзүлбейн баар. Хүн ашпас үени полярлыг хүн дээр. Хүн үнмес үени полярлыг дүн дээр.
Хүн үнерин чурттакчылар кедергей манаар. Ол көстүп кээрге, улуг байырлал эгелээр. Кижилер эң эки хевин кедип, эң чаагай чемин делгээр, ырлажыр, адаан-чарыш кылыр. Бо үеде хүреш, якут халыш эрттирип, аргамчы болгаш балды октаарынга маргыжар. Байырлалдың эң көрүштүг кезээнге шанактыг ыттар болгаш ивилер чарыжы хамааржыр.
Г. Д. Сундуй,
Улусчу ужурлар (3-4 класстарга шенелделиг өөредилге-номчулга номундан алган)
