"Катюшаны" ырлаарынга ынак силер бе, уруглар?

Легендарлыг ыры "Катюша" дыңнакчыларның сагыш-сеткилин хөлзедиптер: ол өөрүшкүлүг-даа, муңгаранчыг-даа, чүгде дизе лириктиг болгаш хөглүг. "Катюшаны" дыңнап тургаш, кижи бүрүзүнүң караанга чаштар сыстып, ооң-биле чергелештир хүлүмзүрүг долар. Ук ырыны бир дугаарында 1938 чылдың ноябрь 27-де Виктор Кнушевицкийниң удуртулгазы-биле Күрүнениң джаз-оркестри күүсеткен. Көрүкчүлер композицияны аажок сонуургаан болгаш, ыраажыны катап-катап сценаже чалап турган. Ада-чурттуң Улуг дайынының үезинде "Катюша" деп ат-биле дайынчы машинаны адаан. Маңаа ырның ролю улуг болганы хөй-хөй версияларда демдеглеттинген. База бир бодал езугаар алырга, 1941 чылда бедик даг кырында дайынчы машинадан оттуг көшке диргелип, дайзынга күштүг когаралды чедирген. Ынчан солдаттар ол бүгүнү "Катюша" деп ырыга дөмейлээн. Сөөлгү 80 чыл дургузунда "Катюшаны" улуг-биче дивес ырлажып чоруур. Харын-даа уруглар садтарында чаштар "Катюшаны" ырлаарынга ынактар.