Кызыл хоорайның 7 дугаар школазында «Найырал» школа чанының лагери ажылын эгелээн

Дүүн, Уруглар камгалалының хүнүнде, Кызыл хоорайның 7 дугаар школазынга «Найырал» школа чанының чайгы дыштанылга лагери ажыттынган. Ийи дакпыр байырлыг хүнде уруглар сагыш-сеткили омак-сергек чыглып келген. Чайгы дыштанылга үезинде школа чанының хүндүскү лагери уругларга солун программаны тургускан: чогаадыкчы мастер-класстар, спортчу маргылдаалар болгаш оюннар. Бо бүгү хемчеглер уругларның чугаа-домаан сайзырадыр база отрядтар аразында эп-найыралды быжыглаар дээрзи чугаажок.   Кызылдың 7 дугаар школазының чуруу