«Маадырларга чылыг кыш» акция уламчылап турар
Республиканың школачылары «Маадырларга чылыг кыш» акцияда идепкейлиг киржип турарлар. Оолдар, уруглар дайынчыларга чылыг, чырыкты сөңнээри-биле, блиндаж лааларын кылып эгелээн.
«Маадырларга чылыг кыш» акцияның база бир идепкейжилери – Шамбалыг ортумак школазының өөреникчилери. Школаның директорунуң кижизидилге талазы-биле чөвүлекчизи Тайгана Хомушкунуң удуртулгазы-биле өөреникчилер блиндаж лааларын кылганнар. Алдыгы болгаш 1-4 класстарның өөреникчилери башкызының тайылбырын кичээнгейлиг дыңнап, акцияның сорулгазын улуг харыысалга-биле хүлээп алганнар. Оолдар, уруглар 17 блиндаж лаазын белеткээн. Оларның ачы-дузазы бо хүннерде фронтуга чедер болгаш дайынчыларга чылыгны сөңнээр.
Мастер-класстың киржикчилери блиндаж лаазының дугайында хөйнү билип алганнар. Ооң дузазы-биле чемни-даа кылып чиир, идик-хевин кургадыр, соокта чылнып-даа болур.
Идепкейлиг киржилгези дээш уругларга «Россияның бичии эзирлери» значоктарны болгаш спортчу хеп суггар сумкаларны тывыскан.
Министерство образования Республики Тыва
