Мээң ачам ажылгыр, кежээ

Мээң ачамның адын Аяс Александрович Саая дээр. Ачам Барыын-Хемчик кожуунга төрүттүнген. Ол узун, хүрең карактыг, бажының дүгү кара, мага-боду эң чараш. Мээң ачам 9 ажы-төлдүг. Ачам бичиизинден-не ачазын эдерип, шөлге трактор мунуп, тараа кезип, картошка тарып өзүп келген болгаш, дыка кежээ. Ачамның бир дугаар эртеми - трактор мунукчузу. Оон аңгыда баян, гитарага ойнаар, ырлаар, бажың тудар тудугжу база. Ачам хостуг үезинде чазаныр, демир хайындырар база бисти агаарладып, ойнадырынга ынак. Ол бисти кезээде ажылга өөредир, чалгаа болбас деп чагыыр. Эки өөрениривиске өөрүп амырааш, бисти шаңнап, концерт, шии көөр билеттер садып бээр. Эрткен Чаа чыл байырлалында хөй ном номчаан дээш, ачам мени акша-биле шаңнаан. Оон мен акшам-биле авамга дириг чечек садып бердим. Ачам биче сеткилдиг, кээргээчел, дузааргак кижи. Ынчангаш Кызыл кожуунда берге байдалга таварышкан улуска дуза кадар төпте директор кылдыр ажылдап турар. Ажылынга шынчы, шыңғыы. Бодунга дыка тааржыр. Ачамның кезээде ажылдап турарын көргеш, ыяап дузалажыр чордум. Чүге дизе ажылды қылып өөренип алырымга, келир үеде херек апаар. Биске ачавыс үлегер-чижек, бис ачавыска дыка ынак болгаш хүндүлээр бис. Ачам каң кадык, узун назылаар болурун күзээр мен. Ынакшыл-биле оглуң Чоргаардан болгаш угбаларым биле акы-дуңмамдан. Чоргаар СААЯ. Кызылдың 9 дугаар гимназиязында 5 "б" класстың өөреникчизи. "Элээди журналист" бөлгүмнүң кежигүнү