Мээң ачам - камгалакчы
Кызыл хоорайның 27 дугаарлыг Угулза аттыг уруглар садынга Россияда болгаш Тывада чарлаттынган Ада-чурт камгалакчызының чылынга база Россияның Эртем хүнүнге тураскааткан «Мээӊ ачам - камгалакчы» деп хоорай чергелиг уруглар садтарының аразынга төлевилел камгалалын Тываның өөредилге яамызы, Национал школа хөгжүдер институт организастап эрттирген.
Мөөрейге ниитизи-биле 21 өг-бүле киришкен. Ук хемчегниң эртип турар сорулгазы өг-бүледе ада кижиниң мөзү-шынар болгаш сүлде-сүзүүнүң аргаларын ажыдары, өг-бүлениң үнелиг чүүлдерин болгаш чаңчылдарын келир салгалдарга дамчыдары.
Өг-бүле бүрүзү боттарының талантызын келген аалчыларга бараалгадып, бичии чаштар тыва дылга ачаларының дугайында шүлүктеп, ырлап бараалгатканнар. Оларның аразындан чогаадыкчы ажылының уран-чечен талалары-биле, ажылының шынарлыы-биле-даа шылгарап үнген өг-бүлелер мөөрейге боттарының төлевилдерин бараалгаткан.
🥇 1-ги черге төлептиг болган - Ооржак Бады, авазы Айлана Борисовна, ачазы Алексей Алексеевичиниң өг-бүлези (Кызылдың 11 дугаар уруглар сады);
🥈 2-ги черге төлептиг болган - Ооржак Солаңгы, авазы Айлаңмаа Семеновна, ачазы Артыш Демир-Маадыровичиниң өг-бүлези (Кызылдың 30 дугаарлыг уруглар сады);
🥉 3-кү черге төлептиг болган - Монгуш Каң-Хүлер, авазы Аюна Андреевна, ачазы Аяс Владимировичиниң өг-бүлези (Кызылдың 28 дугаар уруглар сады).
🏅 «Келир үениң камгалакчызы» деп атка төлептиг болган Ондар Алдын, авазы Ада Жоресовна, ачазы Мерген Викторовичиниң өг-бүлези (4 дугаар уруглар сады);
🏅 «Тыва дылым - чоргааралым» деп атка Хомушку Уран-Хээ, авазы Айыран Казаковна, ачазы Белек Викторовичиниң өг-бүлези (17 дугаар уруглар сады) төлептиг болганнар.
Мөөрейге идепкейлиг киришкен өг-бүлелерниң хей-аъдын көдүрүп, дараазында сайгарлыкчылар боттарының деткимчезин көргүзүп, чигирзиг болгаш үнелиг белектерни сөңнээнинге четтиргенивис илереттивис: кондитер пекарнязы «Карамелька», Дирчин Урана Байыр-ооловна, «Тувинские пазлы для детей и взрослых» деп төлевилелдиң автору Юна Аюшеева, Сарюна Афанасьевна, Иван Ярыгин аттыг Спорт комплекизи, ыяштан чазаныкчы-мастер Маады Роман Эрес-оолович.
#минобразованиятыва #детскиесадытувы #ДеньЗащитникаОтечества #ДеньРоссийскойНауки
