Мээң ачам ёзулуг эр-дир

Мээң ачам ёзулуг эр-дир. Күштүг, улуг, меңээ ынак. Мен ачамга дөмей мен. Ол - эрес-дидим, шалыпкын, харыысалгалыг, чазык болгаш эвилең-ээлдек. Мен 3-4 харлыг турдумда, бажыңга мени хайгаарап, карактап турган. Амгы үеде ачам тускай шериг операциязында дайынчыларга ачы-дузазын кадып турар. Ол – фельдшер эмчи. Мээң ачам - бистиң төрээн чуртувустуң база бир камгалакчызы. Ачам-биле үргүлчү чугаалажып турар мен. Кыжын чанып келир. Бис шупту, өг-бүлевисте, ачамны дыка манап турар бис. Дыка ынак бис, ачай. Дүрген тиилелгелиг чанып келириңни күзеп тур бис. Артём Делег. Кызыл хоорайның 9 дугаар гимназиязының 6 «в» клазының өөреникчизи. «Элээди журналист» бөлгүм