Мээң авам - ыраажы

Иелер хүнү-биле элээдилер аваларынга «Тываның аныяктары» солун таварыштыр байырын чедирип турар. Экер Доржу, Кызыл хоорайның 9 дугаар школазының 8-ки классчызы: - Мээң авам — ыраажы. Ооң адын Долума Чымбалак дээр. Авамның хары 30 ажып турар. Ол 19-20 харлыг турда, алдарлыг артист атты тывыскан. Авамга дыка чоргаарланыр мен. Аңаа ынак мен. Мен ооң улуг оглу болуп, 2010 чылда төрүттүнген мен. Оон ыңай ийи бичии дуңмаларым бар. Баяр биле Асель дээр. Дуңмаларымны бичиизинден тура өстүржүп, карактажып келген болгаш, дыка ынак мен. Авалар хүнү-биле байырым чедирдим. Алена НАН-ХОО, Долума Чымбалактың хууда архивинден чурук