Мээң кырган-авам – башкы

Мээң кырган-авам – башкы. Ол Кызыл хоорайның 9 дугаар гимназиязында ажылдап турар. Эге школада улусчу педагогика башкызы. Кырган-авам 9 дугаар школаны чаа ажыдыптарга-ла, ажылдап эгелээн. Мен бирги класска өөренип турдумда, үжүглелди номчуп өөредип турган. Кырган-авам бичии чаштарга дыка ынак, ынчангаш эге школада оолдар, уругларны өөредип, чараш чаңчылдарны, черле шупту эки чүүлдерни айтып берип турар. Кырган-авамның ады – Светлана Чоодуевна Шулуу-Маадыр. Кырган-авамга дыка ынак болгаш хүндүлээр мен. Мени чагып-сургаар, эки чүүлдерге өөредип чоруур. Башкының хүнүнде ынак кырган-авамга аас-кежикти, быжыг кадыкшылды күзедим❤🌹 Артыш Хомушку, Кызылдың 9 дугаар гимназиязының 8-ки классчызы.