Мээң ынак эжим
Мээң ынак эжимниң адын Ай-кыс дээр. Эрткен чылын июнь 7-де, чаашкынныг хүнде, таныжып алган бис. Менден 3 хар улуг, ынчалза-даа бис-биле деңге ойнаар. Чамдыкта дуңмалары ышкаш кончуп-сургап-даа турар.
Иелээ чем кылырынга ынак бис. Кухняга кады туруп алгаш, кандыг-даа чемнерни чогаады кааптар. Оон ыңай хостуг үевисте хол бөмбүү ойнаарынга ынак бис. Эжим Ай-кыс Сааяны хүндүлээр мен. Бир чыл иштинде дыка эки эп-найыралдыг эдеришкен бис. Ол найыралывыс ам-даа уламчылаар дээрзинге бүзүрээр мен.
Алина АРАКЧАА,
Кызылдың 4 дугаар школазының 6-гы классчызы.
Чурукту Интернеттен алган
