Мээң ынак угбам

Ава кижи эң-не буянныг. Мен авам ышкаш ынак угбам дугайында бижикседим. Мээң угбамның адын Марияна дээр. Ол Москвада чурттап чоруур, ынчалза-даа Кызылче чылдың-на келир. Ам бир ай болгаш дедир Москваже чоуур. Ооң соонда телефон-биле чугаалажыр апаар бис. Мээң угбам дузааргак база экииргек кижи. Үргүлчү меңээ база бичии дуңмазынга белектер садып эккээр. Бис угбавыска Кызылга чүнү кылып турганывысты чугаалап бээр бис. Эки өөренип турар болурувуска, угбам өөрүүр. Мен база угбам ышкаш улуг хоорайга өөренип алгаш, ажылдаар деп бодап тур мен. Угбам биске үлегер-чижээн көргүзүп чоруур. Угбай, ажыл-ижиңге чедиишкиннерни база аас-кежикти күзеп тур мен. Артём ДЕЛЕГ. Кызылдың 9 дугаар гимназиязы. 6 «в» класстың өөреникчизи. «Элээди журналист» бөлгүмү #челлендж #иениңхүнүнге