Росгвардия – чаштарның өңнүү

Росгвардияның офицери Республиканың лицейинге айыыл чок чоруктуң кичээлин эрттирген. Бешки класстың өөреникчилери интернет четкизинге бодун шын алдынарының дугайында билип алганнар. Чайгы дыштанылга үезинде оваарымчалыг ойнап, ада-иезиниң чугаазын дыңнап чорууру деп, Виктория Тас-оол сүмелээн. Сөөлгү үеде телефон дамчыштыр ажы-төлдү мегелеп, оларның чоок кижилерин акша-төгерик чок арттырып, уругларны коргудуп турар дайзыннар интернет четкиде нептерээн. Ук таварылгалардан канчаар ойталап, оон камгаланырын Росгвардияның төлээзи делгереңгей тайылбырлап берген. Өөреникчилер сонуургаан айтырыгларын салып, аалчызын үр-ле салбайн турганнар. Республиканың лице­йиниң башкылары айыыл чок чорукту кол айтырыг деп санап турары чигзиниг чок. Өзүп орар салгалдар ада-чуртунга ынак болуп, ону келир үеде камгалап-кадагалап шыдаптар күштүг кижилер болур кылдыр бо хүнде кижизидикчи хемчеглерни эрттирип турары мактанчыг. Парлалга албаны