СУЛТАННАР ИДИИ

Идиин ужулгаш, чымчак, эптиг тапочка кедип алгаш, езулуг султан идиин кедип алдым деп кым бодаар боор? А херек кырында шынап-ла ындыг! Тапочкалар Чөөн чүктен келген. Оларның төөгүзү султаннар болгаш оларның гареминден укталып үнген. Гарем дээрге өгнүң херээжен улус турар чартыын ынча дээр, ынаар эр улуска кирери хоруглуг. Артында чоожайы чок идиктерни (шлёпанцы) султанның кадайлары (олар колдуунда ооң мурнунда хоругдалга туттурган херээжен улус) кедер. Дезер деп бодаар болза, ындыг идик-биле ырадыр чоруп шыдавас. Чоорту тапочкаларның бажыңга эптиин биле бергеш, султаннар боттары кедип турар апарган. Сөөлзүредир бо идик Европага чеде берген. Аңаа баштай чаа идикти хүлээвейн турган. Кажан ооң үнезин биле бергеш, тапочкаларны каастап эгелээн. Бажыңга кедер идикти үнелиг даштар-биле, дүк-биле каастап, угулзалап турган. Тапочкалар чүгле 18 вектиң төнчүзүнде каасталга чок, бажыңга кедер бөдүүн идик апарган. "Сылдысчыгаш" архивинден Чурукту ажык социал четкилерден алган