Түр үениң дыштанылга төптери: Чааты суурнуң школазында «Чогаадыкчы чоруктуң хүнү»

Чааты суурда «Уругларның бот-идепкей төвүнге часкы дыштанылганың» база бир хүнү омак-сергек сула шимчээшкинден эгелээн. Ооң соонда уругларны ёзулуг-ла чогаадыкчы чоруктуң байырлалы манап турган. «Хөглүг брелоктар» мастер-классты директорнуң кижизидилге талазы-биле чөвүлекчизи Алдын-Сай Даш-ооловна эрттиргеш, уруг бүрүзү бодунуң холу-биле онзагай аксессуарны кылып алыр арганы тургускан. Школаның идепкейлиг өөреникчизи Алия шурулардан аргыыр мастер-классты эрттиргени солун болган. Уруглар чинчилерден чүгле бичии браслеттер эвес, а билзекчигештерни кылып алганнар. Уруг бүрүзү сагыш-сеткилинге тааржыр хемчегже хаара туттунган болгаш, чогаадыкчы чоруун көргүспүшаан, омак-хөглүг дыштанылга хүнүн эрттиргеннер.