Тарбаганым
Тарбаганның эъди чаагай.
Ооң эъди, үзү эм болур,
Кежи-биле хеп даараар
Кедергей-даа ажыктыг аң.
Тарбаганга ынаам кончуг,
Таан чараш чаптанчыгбай.
Кижи көстүп кээрге-ле,
Үңгүрүнче кире халыыр.
Ховар чараш аңчыгашты
Көвей кылдыр хоратпаңар.
Кыжын, чайын бисти эмнээр
Үнелиг-ле амытан-дыр.
Кызыл дептер номда кирген
Бистиң бичии өңнүүвүстү
Төтчеглекчи аңчылардан
Кадагалап карактаңар!
Хензиг бичии болза-даа,
Карактары борбак кара
Кулаа дыыжы, аваангыр
Угаанныгбай тарбаганым.
Оксана Донгак, Мугур-Аксы суурнуң «Сайзанак» уруглар садының кижизидикчи башкызы
