Улуг Тиилелгениң 80 чылы: школачылар эки турачы өгбелеринге сактыышкын хүнүн эрттирген
Улуг Тиилелгениң байырлалынга республиканың өөреникчилери, башкылары идепкейлиг киришкен. Ол ышкаш уруглар тыва эки турачы өгбелериниң чуруктарын тудуп алгаш, «Өлүм чок полк» акцияның чыскаалынга киржикчи болганнар.
Мөңгүн-Тайга кожууннуң Мугур-Аксы суурунуң чурттакчылары «Манаашкын», «Кым-даа чүү-даа уттундурбаан» тураскаалдар чанынга дээрбек чечектерни салган. Суурнуң чурттакчылары, хоочуннар, школачылар, чагырга чериниң ажылдакчылары, башкылар Төрээн чуртунуң камгалакчыларынга тураскааткан сактыышкын байырын эрттиргеннер.
Ада-чурттуң Улуг дайынының киржикчилери, тыва эки турачыларның салгалдары «Өлүм чок полк» акцияга киришкенин сагындыраал. Олар өгбелериниң чуруктарын тудуп алгаш, чоргаарал-биле чыскаалга кылаштааннар.
