Уруглар ИХЯ-ның чурук мөөрейинге киришкен
Улуг Тиилелгениң 80 чыл оюн уткуштур ТР-ниң ИХЯ-зы шефке алган өөредилге албан черлериниң уругларының ортузунга «Тиилелге уругларның көрүжү-биле» деп чуруктар мөөрейин организастаан.
Миграция айтырыгларының талазы-биле эргелел шефке алган албан чери, 10 дугаар школаның, өөреникчилериниң аразынга «Тиилелге уругларның көрүжү-биле» деп чуруктар мөөрейин эрттиргеш, тиилекчилерин шаңнаан.
Улуг Тиилелгениң төөгүзүнге уругларның сонуургалын оттуруп, аныяк-өскенниң хамааты-патриотчу кижизидилгезин күштелдирер сорулга-биле мөөрейни эрттирген. Ук мөөрейге уруглар идепкейлиг киржип, чураан чуруктарын көргүскен түңнелинде, тиилекчилерни илереткеш, шаңналдарны тывыскан.
Бирги чадада тиилээн уругларның чуруктарын ТР_ниң ИХЯ-зынче дараазында чадага киириштирери-биле чорутканын Миграция айтырыгларының талазы-биле эргелел дыңнаткан.
Мира КОНГУЛ-ООЛ белеткээн.
Чурук МВД по Республике Тыва
#80летпобеды
