Уругларны оюн дузазы-биле аялганы дыңнап өөредирде, аңгы-аңгы аялгаларны дыңнадыр. Уругга янзы-бүрү аялгаларны дыңнадыры (өөрүнчүг, оожум, муңгак). Хөгжүмнүң аажы-чаңын айтып бээр.
Кады ырлаар: уруг-биле кады чаштар ырларын, өпей ырларын ырлаар. Бо чүүл дыл-сөс сайзыралынга база хөгжүм дыңнаарынга ажыктыг.
Танцы-сам болгаш шимчээшкин: хөгжүм аайы-биле шимчениринге, адыш часкаарынга өөредиг. Буттары-биле тепсенип, дээскинип-бөөлденип ойнаар.
Хөгжүм оюннары
«Кайда тырыкыланып турар?» деп айтырар. Уругларның карактарын дуглап алгаш, коңгулуурну азы өске үн үндүрер хөгжүм херекселин өрегениң аңгы-аңгы кезектеринге дагжадыр. Уруг үн кайыын кээп турарын айтыр ужурлуг.
«Оожум-күштүг». Хөгжүм херекселдерин (шынгырааш, маракастар) ажыглап тургаш, бирде оожум, бирде күштүг ойнаңар. Уруг ону катаптаар ужурлуг.
«Ритмни картаптаар». Адыштарыңар-биле азы омааштар-биле ойнап тургаш, ритмни көргүзүңер, а уруг ону катаптаар.
Есения Соян,
Ак-Довурак хоорайның «Дюймовочка» садының ыры-хөгжүм башкызы.
Авторнуң чуруктары
