Кызыл хоорайның «Найысылал» АРТ-Төпке «Аас-кежиктиг чашкы шаг» хореографтыг мөөрейниң муниципалдыг концерти болуп эрткен.
20 чыл дургузунда ук мөөрей хоорайның культурлуг амыдыралында чугула черни ээлеп турар. Кызылдың өөредилге черлериниң уругларның чогаадыкчы коллективтери элээди салым-чаяанныгларны хаара тудуп, өөрүшкү-маңнайны шаңнап турар.
«Аас-кежиктиг чашкы шаг» хореографтыг мөөрейниң 20 чыл оюнга тураскааткан концертке Кызылдың 9 дугаар гимназиязының немелде өөредилге төвүнде «Өзүмнер» уругларның чогаадыкчы каттыжыышкыны ГРАН-ПРИ шаңналынга төлептиг болган. Ол ышкаш немелде өөредилге төвүнүң удуртукчузу, «Өзүмнер» чогаадыкчы каттыжыышкынның режиссёру, хореограф Надежда Александровна Тыртык-Карага 10 муң акшаның сертификадын тывыскан.
Уругларның хореография уран чүүлүн хөгжүдеринге киирген үлүг-хуузу дээш Кызылдың 9 дугаар гимназиязының немелде өөредилге төвүнүң педагогу Сайзана Элеп-ооловна Самданга Кызыл хоорайның профэвилелиниң Хүндүлел бижиин тывысканын сагындыраал.
