Бичии чашты аагайлап,
Билбес чүүлүн билир кылдыр
Чассыткылап, өөредир
Чазык чаңныг башкызы мен.
Мергежилим чедип,
Бир-ле дугаар базым кылып,
Быжыг, дидим ажыл оруун эгелээним
«Светлячогум» амдыгаа дээр өөм дег эргим!
«Кижи болуру чажындан» деп,
Өгбе чагыын хажытпайн,
Өөр чашты чагып, сургаар
Кижизидикчи башкызы мен.
Келир өйде салгалдарның
Кежик-чолун дарганнашкан,
Кылган ижим халас барбас,
Кижизидикчи башкызы мен.
Буянмаа Маадыр-ооловна Оюн
