«Бодаган» уруглар садының » Хамнаарак» бөлүүнүң уруглары чаңчыл болган Шагаа бүдүүзүнде ирей, кырган-ава аалынга ыры-шоорлуг, танцы-самныг аалдап четкеннер!
Байырлалда үнүп келген аьт болгаш чылан чылдары, Харжыгаш, Чылбыга кадай база Хам аалдап келгеннер! Хам Ак-Сал Ирейниң аалын, уругларны болгаш келген аалчыларны дүңгүрлеп, артыжын кывыскаш, арыглаашкынны кылган.
«Хамнаарак» бөлүүнүң идепкейлиг ада-иелери уругларга солун өөредилгелерни көргүскеннер!
Тыва далгандан тыва шоколадтарны канчаар кылырын Орлана Валерьевна көргүскеш, уругларны чигирзиг чаагай шоколадтары-биле хүндүлээн!
Чойгана Юрьевна хайындырган куйгадан холодецти канчаар кылырын тайылбырлап чугаалап берген. Бөлүктүң идепкейлиг ачазы сүттен ээжегейни болгаш сметананы канчаар кылырын уругларга чедимчелиг тайылбырлаан.
Уруглар улуг сонуургал-биле дыңнап, тыва чемнерниң аттарын билип алганнар!
Кижизидикчи башкылар Людмила Давалай, Азиата Данзырын
