6+

— Кырган-ава-ай, дуу көр даан, кымыскаяк­тарның көвейин. Маңнажып тургаш, сигеннер чыып алганнар! — деп, Долаана кокпа орук кыдыынче көргеш, алгырган:
— Бо, көрүп көр даан. Акыларым чыып турар сигени ышкаш.
Ийи кырган-авашкы тей кырында олурар черинге келгеннер: ­— Куду көөрге, чаражын! Дуу ол Баян акызының өө, чанында база өглер турар, а бетинде дөң кырында кырган-авазының улуг өө мөөгүлер дег ак-ак тургулаар. Өг — бистиң чурттаар ыдык­тыг оранывыс-тыр. Чүү-даа чүве чурттаар оран-савалыг боор болгай але, кызым. Ону билир сен бе?
— Ийе. Дем чаа көргенивис кымыскаяктар кончуг угаанныг амытаннар-дыр ол. Оларның өө база чараш, хөй өрээл­диг.
— Ийе. Кымыскаяктар дыка ажылчын, олар эртенден кежээге чедир ажылдаар.

Syldyschygash Solunu