Тожу кожууннуң чурттакчылары улуг-биче чокка тускай шериг операциязының киржикчилери, тыва дайынчыларга деткимчени көргүзүп, «Улусчу фронт. Бүгү чүвени Тиилелгеге» республика чергелиг гуманитарлыг ачы-дуза төлевилелинде идепкейлиг киржип турарлар.
Төлевилелдиң база бир доктаамал киржикчизи, Тоора-Хем школазының 6-гы классчызы Сея Кол бодунуң үлүг-хуузун киирген. Ол 1960 рубльди чыып алган! Бичии Сея тускай шериг операциязының сорулгаларын дыка эки билип, ында чаңгыс чер чурттуглары дээш сагыжы аарып, ооң деткимчези Тиилелгени чоокшуладырынга дузалыг дээрзинге идегеп турар.
Алена Нан-Хоо кожуун чагыргазының медээзинден белеткээн.
Чурукту социал четкилерден алган.
