Мээң улуг акымның ачам-биле дөмей чүүлдери хөй. Акым улуг апарган, ынчангаш өскээр көжүп чоруй барган, ынчалза-даа бистиң бажыңывыска үргүлчү кээр.
Акым-биле үргүлчү агаарлаар, ойнаар, чугаалажыр бис. Улуг акым ам 20 харлаар. Акым меңээ школага херек чүүлдерни-даа садып бээр. Улуг акымны дыка үнелээр мен, дыка ынак мен. Кижи бүрүзүнүң чуртталгазында онзагай кижилер бар. Олар бистиң чүректеривисте онзагай черлерни ээлеп турар. Меңээ болза шак-ла ындыг кижи – мээң акым.
Ол чүгле мээң акым эвес, а башкым, эжим, үлегерим.
Азуми Дажыкай,
Кызыл хоорайның 9 дугаар гимназиязының 6 «в» клазының өөреникчизи.
«Элээди журналист» бөлгүм
