АВАМ ЧАРАШ
Мээң авамның адын Стелла Эрес-ооловна Саая дээр. Авам 32 харлыг. Ол Эрги-Барлык школазында эге класс башкылап ажылдап турар. Авамның өөреникчилери – 2-ги классчылар. Мен база Стелла Эрес-ооловнаның өөреникчизи мен.
Өг-бүлевисте 5 кижи бис. Авам, ачам, угбам Шолбан-Ай, дуңмам Виктория, мен. Мээң авам – угаанныг, кежээ, чараш, томаанныг. Холу чемзиг, биске чаагай чемнерни кылыр. Чараш хепти даарап бээр, чуруттунар база. Ооң караа кара, чажы база узун, кара. Ону шупту чон хүндүлээр болгаш ынак. Ол биске ынак, а мен база аңаа дыка ынак мен.
Иелер хүнү таварыштыр авамга кадыкшылды күзедим. Ооң өөреникчилери кезээде онаалгазын эки кылып алгаш, школаже келир болзун. Класска бир кижи онаалгазын кылбаска, чугаа дыңнаваска, авамга багай.
Аржай ХОМУШКУ,
Эрги-Барлык ортумак школазының
2 «а» клазының өөреникчизи.
#Сылдысчыгаш_Солуну