Башкымга байырым
(Чагаалар допчулалы)
Экии, эргим «Сылдысчыгаш» солуннуң редакциязы!
Мени Салчак Намзырай дээр. Мен Чүргүй- оол Хомушку аттыг 16 дугаар школаның 3-кү клазының өөреникчизи мен.
Март 8 байырлалы эрте берген-даа болза, клазым башкызы Чодураа Минчей-ооловна Тюлюшке байырым чедирер дээш бижип олур мен.
Чодураа Минчей-ооловна Тюлюш — Россия Федерациязының Өөредилгезиниң хүндүлүг ажылдакчызы. Мен клазым башкызынга дыка ынак мен. Башкывыс бисти үргүлчү клазывыс-биле солун хемчеглерже эдертип алыр: театр, цирк, делгелгелер дээш кайнаар-даа кады барып турар бис.
Кичээл үезинде башкывыс дыка шыңгыы, бедик негелделиг. Тема тайылбырлаары эки.
Мээң ынак кичээлдерим: «Сан», «Тыва дыл», «Долгандыр делегей».
Оон ыңай башкывыс класска дыка солун, хөглүг мөөрейлер база эрттирер.
Башкывыс дыка кызымаккай. Чамдыкта Чодураа Минчей- ооловна башкымны көргеш, бодум кырган-авамны, Надежда Сергеевнаны, сактып кээр мен. Мээң кырган- авам база башкы чораан.
Авам кырган-авамны: «Кызыл-дустап чорупкан» — деп меңээ чугаалаан. Ачам кырган-авамны: «кушкаш апаргаш, ужуп чорупкан» — дээр.
Бирги класска кырган-авам дузазы-биле онаалгамны кылыр турган бис. Ам мен улуг апарган мен. Онаалгамны бодум кылып алыр чордум.
Ынчангаш башкым мени мактаар. Чодураа Минчей-ооловнага кадыкшылды, аас-кежикти күзедим!
Намзырай Салчак.
Авторнуң чуруу
