Кызыл хоорайның Орбита девискээринде Кызылдың 9 дугаар гимназиязының үстүкү класстарының өөреникчилери турисчи слётта киришкен. Оолдар, уругларны солун маргылдаалар манаан: турисчи бергелерни ажып эртери, тус черниң уг-шиин тывары, картаны болгаш компасты ажыглап билири дээш оон-даа өске. Оон аңгыда школачылар креативтиг оюннарга киржип, боттарының салым-чаяанын бараалгаткан.
✅Начын Минзек, Күдер Доржу, Артём Салчак (чурукта) 6 «е» класстың өөреникчилери:
💬- Бис эрткен чылын ийи дугаар черни ээлээн бис. Турслётка киржирге, дыка солун.
✅Алдын Мерген-оолович Донгак, 6 «е» класстың башкызы:
— Өөреникчилерге күстүң чылыг хүннеринде турисчи слётка киржири дээрге-ле активчи дыштанылганың бир хевири болбушаан, кадык амыдыралды хевирлээри болгаш школаның ёзу-чаңчылдарын быжыктырар бир аргазы болур. Шак мындыг хемчеглер өөреникчилерни улам демнештирер болгаш оларның салым-чаяанын ажыдарынга дузалыг.
Мира КОНГУЛ-ООЛ
Авторнуң тырттырган чуруктары
