Бирги классче кирип тургаш, чаңгыс-даа номчуп, санап, бижип билбес турган мен. Кызыл хоорайның 9 дугаар гимназиязының 1 «д» клазынче өөренип киргеш, башкым Айлаң Владимировна Кара-Салдың дузазы-биле дыка эки өөредилгелиг болдум. Башкывыс биске 5-6 класстың программазын безин өөреткен. Улаштыр өөрениримге дыка дузалыг болган. Башкымга дыка ынак мен.
Ол – «Доңгада кадык» шүлүктээн тоолду бижээн тыва классиктиг чогаалчы Салчак Тамбаның уйнуу, ийи дугаар оглунуң уруу.
Салчак Тамба Өдекеевич 1918 чылдың март 15-те Каа-Хем кожууннуң Оштан деп черге төрүттүнген. Чайлаг школазының эге клазын дооскаш, Алтайның Ойрот-Тура (Горно-Алтайск) хоорайга көдээ ажыл-агый техникумун база Кызылга совет-партия школазын дооскан. Ол башкылап, партия ажылдарынга ажылдап чораан. 1951 чылдан эгелеп «Шын» солунга чогаал ажылдакчызы болуп ажылдаан (чогаалчының дугайында информацияны социал четкилерден алган).
Мындыг солун башкылыг болганымга чоргаарланыр мен. Авам ышкаш авыралдыг башкымга аас-кежикти, кадыкшылды күзедим.
Айслу Хомушку,
Кызыл хоорайның 9 дугаар гимназиязының 11 «а» клазының өөреникчизи.
Чурукту Интернеттен алган.
