Авага ажы-төлү артык,
Аңчыга алды-киш артык.
Ада кижи оглун сактыр,
Алдын-доос кудуруун сактыр.
Адалыг оол томаанныг.
Ады арт ажа бээр,
Сураа суг кеже бээр.
Аъды чүгүрүк — мактадыр,
Ады чүгүрүк — хоптадыр.
Ажылдан дескен түрегге дүжер,
Билигден дескен чазыгга дүжер.
Ажыл соонда
Аъш-чем амданныг.
Ажылынга кызымак —
Амыдыралга ынак.
Алгының чымчаа идээзинде,
Аъттың чаажы ээзинде.
Алышкылар ынаа
Хая-даштан артык.
Аныяаңдан адың камна.
Аң түрээнде, турлаам дээр,
Кижи түрээнде, төрелим дээр.
Арга кирген кижи саат дайнаар,
Аалга кирген кижи аяк эриин
ызырар.
Чыып бижээн: Будуп П.К.
Чуруктар: Чурук Ш.У.
