Тыва азы Тува деп сөстер-биле социал четкилерге бөлүктерни, каттыжылгаларны чурум чокка ажыглаары хоруглуг. Бодунуң албан ёзу-биле бараанынга азы сайтызының адынга ук сөстү ажыглаарын хууда сайгарлыкчыларга болгаш юридиктиг черлерге республиканың чазаа чөпшээреп болур. Ол дугайында 2008 чылдың ноябрь 28-те үндүрген Доктаалда бижээн.
Оон аңгыда Тыва Республиканың Күрүне тугунуң хүнүн доктааткан. Ол — «Тываның буянныг чүректери» аныяктарның хөй-ниити шимчээшкининиң активчилериниң саналы-дыр. Ону Тываның Баштыңы Владислав Ховалыг деткээн болгаш, сентябрь 17-ниң хүнүн Тываның Күрүне тугунуң хүнү кылдыр доктааткан.
А. Нан-Хоо
