Каа-Хем кожууннуң Көк-Хаак сууурунуң культура бажыңында «Улыбка» уругларның хүндүскү лагери ажылдап турар. Лагерьниң ажыл-чорудулгазы уругларның хостуг үезин шын ажыглаарынче, кадыкшылын быжыглаары болгаш уругларның ниити сайзыралынче угланган.
«Улыбка» лагери ноябрь 5-ке чедир ажылдаар. Лагерьни ажыдып тура, организакчылар күскү каникул үезинде уругларның дыштанылгазынга таарымчалыг байдалдарны тургуспушаан, назы четпээннер ортузунга корум-чурум үрээшкиннерин болдурбазы-биле, хайгаарал чокка ажы-төлдү арттырбас сорулганы салган.
