Ук төлевилелдиң эгелекчилери Каа-Хем кожууннуң Сарыг-Септиң Ю.А. Гагарин аттыг 1 школазы идепкейлии-биле боттандырбышаан. Бо удаада сарыг-сепчилер Тожу кожууннуң Адыр-Кежиг школазының 10-гу классчылары-биле найыралдың ужуражылгазын эрттирген.
Тожужулар суурже кирип олурда-ла изиг сүттүг шайлыг уткуп алгаш, төөгү-краеведтиг музейже, церковьче, аныяктар парыгынче экскурсиялаткан.
Дараазында школага кээп, боттарының быжырган чаагай чемнери-биле уругларны хүндүлеп, школа-биле таныштырган соонда, бот-боттарынга байыр чедиржип найыралдашканнар. Сарыг-Сеп школачылары күш-ажыл кичээлинде кылган белекчигештерин чал-кежигжилерге сөңнээн.
Ужуражылга орус дыл темазынга болганда, А.С. Пушкинниң чогаалдарынга квест оюнну эрткен. Кожа кожууннарның башкылары, өөреникчилери улам билчип, арыг-агаарга дыштаныры-биле чоруптулар.
Төлевилелге киржир школачыларны кожууннарның чагырга черлери, депутаттар деткип, кывар-чаар материалдар-биле хандырганын дыңнаттылар.
#Пододнимнебом #Проект #Тыва #Сарыг_Сеп #Чал_Кежиг #Сылдысчыгаш_Солун