Экии, уруглар, мени Ондар Ася дээр. Кызылдың дугаары 3 ортумак школазының өөреникчизи мен. Күзүн 6-гы классче кирер мен.
Силерни ыдым Динаның чаптанчыг оолдары-биле таныштырыксадым. Дина май 5-тиң хүнүнде 3 эр, 3 кыс чаптанчыг эниктерни төрээн. Аразында ийистер бар. Маңган ак, иелээ дыка дөмей. Бир оглу – ыглаган, бир уруу – тенек, өскелеринче халдап, ызырып туруп бээр. Бир оглу – томаанныг, бир уруу ыядыычал болганнар. Эниктерим шупту дыка чаптанчыг. Авазының дег, кулактары халбагар, кудуруктары узун, семистери аажок, борбак чүвелер. Бир-ле панда аң дег.
Өзүп келгеш ыттар хоргадалын ажыдып алыр мен. Ол мээң улуг күзелим-дир. Авазы Динаның чаңгыс багай талазы бар. Огородта чалдарывысты кырлап, казып кааптар. Авам хорадааш, илчирбе саткаш, баглаар деп баарга, албан дезиптер. Ол ам 5 харлыг. Ыдымга ынак мен. А силер, уруглар, кым деп аттыг ыттарлыг силер?
Ася ОНДАР, Кызыл хоорай.