Февраль 6-7-ниң хүннеринде «Субедейге» бичии оолдар болгаш элээдилер аразынга «Тыва Республиканың Чазак Баштыңының Кубогу» Бүгү-россия чергелиг турнир болуп эртер.
Турнирге 2003-2013 чылда төрүттүнген оолдар киржир. Киржикчи бүрүзү спортчу хептиг: содак-шудак, кадыг идиктиг келир. 14 хар четпээн оолдар «Мөгениң паспорду»-биле даңзыже киир бижиттирер. А 14 харлапканнар Россияның хамаатызы парспорту-биле. Оон аңгыда ИИН, СНИЛС, багай таварылга болу берзе кадыкшылынга, амы-тынынга камгаладылгалыг болуру албан.
Назы-хар аайы-биле 5 аңгы бөлүкке эртер:
— «А» бөлүк — 2012-2013 чч;
— «Б» бөлүк — 2010-2011 чч;
— «В» бөлүк — 2008-2009 чч;
— «Г» бөлүк — 2006-2007 чч;
— «Д» бөлүк — 2003-2005 чч.
Ковид-19 аарыын таратпазы-биле көрүкчүлер чокка, хааглыг хевирге болур. Күзелдиг кижи бүрүзү онлайн-дамчыдылга-биле көрүп болур.
Чүгле 2008 чылда төрүттүнген оолдарны бир улуг кижи (ада-иези, хоойлу езугаар төлээлекчизи) үдеп кээп болур.
Турнирнуң шупту киржикчилери, хоойлу езугаар төлээлекчилери, тренер-башкылары ковид чок деп анализтерин комиссияга көргүзери албан.
#ТРниңЧазакБаштыңыныңкубогу #Уругларгахүреш #Тывахүреш #Шагаа2021 #Сылдысчыгаш_Солун
