Уруум уруу Чечеккейни
«Ужур-Сѳѳртүр» дижи берген,
Иезин-не дѳзээн боор оӊ,
Ине черле холдан салбас.
Ойнаар-кызы самдарарган,
Орта чучак даарап олур.
(«Айтып бер деп, быжып бер» деп,
Алаӊ кылып туруп бээр-дир.)
Аккыр чиӊге салааларныӊ
Аразында «сыйбыӊ-ою»,
Кырлай даараан санында-ла,
Кылаш кылдыр шымны кааптар.
Сандайында «Салбакайы»
Чандыр кѳрбейн, шимчеш дивейн,
«Бо чаа чучак мээӊии» деп
Бодап, манап орган-даа дег.
Э.Кечил-оол
БИЧИИ ДААРАНЫКЧЫ
