Бичии чаштар долгандыр турар чүүлдерни сонуургап, билип алыр күзелдиг. Ынчангаш оларны доктаамал хайгаараары чугула. Министерство здравоохранения Республики Тыва Тываның кадык камагалал яамызы чаш уругларны айыылдан камгалаары-биле дараазында аргаларны сагындырып турар.
Чаш уруглар соңгадан аңдарылбас кылдыр дараазында чүүлдерни сагыыр:
✅ Уруг чаш турда, соңгага айыыл чок шоочаны салыр. Оон аңгыда соңганы ажыдар тудазын ап кааптып болур.
✅ Чаш кижи соңганың адакы эргининче үне берип болгу дег сандай, диван дээн ышкаш эт-херекселдерни ол чоок-кавыдан ырадыр салыр.
✅ Соңгага камгалал хана-карактар салдырып болур.
✅ Чаш уругну секунда санында хайгаараар.
❗Билип алыры артык эвес
Бир эвес чаш уруг соңгадан аңдарлы берген болза, ада-ие азы чаш уругну азырап алган хамаатылар Кеземче Дүрүмүнүң 125 дугаар чүүлү езугаар харыысалгага онаажыр.
Алена Нан-Хоо белеткээн.
