Тожунуң район суду школачылар ортузунга аңгы-аңгы номинацияларга чурук мөөрейин чарлаан. Ниитизи-биле 1-ден 8-ки классчыларга чедир 78 уругнуң ажылы бедик деңнелге үнелеттинген. 1— 4 классчылар «Уруг бүрүзү эргелиг», 4-6 классчылар «Суд ажылы уругларның көрүжү-биле», 7—8 классчылар «Мээң авам судта ажылдап турар» номинацияларга чуруктарны чураан. Угланыышкыннар аайы-биле тиилекчилерни илереткен.
Оларның аразында бирден үшкү черге чедир төлептиг болган тергиин чуруктарны «Сылдысчыгаш» солуннуң арыннарында чырыткан.
